Vi gjentek suksessen frå førre påske og inviterer Egil Olsen tilbake til TIK
Egil Olsen er kjend som «en av landets morsomste liveartister» og vi er glade for å kunne dele han med dykk på sjølvaste langfredag!
Med sine melankolske og finurlege viser, kombinert med sin underfundige humor og unike kontakt med publikum, har han etablert seg som ein annleis og einestående liveartist. Gjennom si 20 år lange artistkarriere, har han hatt musikken sin i både dataspel, filmar og tv-seriar, laga sjølvbiografisk teikneserie for dagbladet og gitt ut åtte album i tillegg til fleire liveplater. Han har att på til fått sitt eige tributealbum, med norske artistar som tolkar songane hans.
Bli med på ein intim, stemningsfull og underhaldande kveld med god historier og musikk.
Vi serverer eigen meny for kvelden frå kl. 19:00.
Book gjerne bord for matservering på post@tik.as.
Vel møtt!
ID: 20 år
Dørene opnar kl. 19.00.
Konserten startar rundt kl. 21.00.
https://www.facebook.com/events/1478514779407566/
